पंतप्रधान नरेंद्र मोदी यांच्या नेतृत्वाखालील केंद्रीय मंत्रिमंडळाच्या बैठकीत महत्त्वाचे निर्णय घेण्यात आले आहेत. बुधवारी (२४ सप्टेंबर) झालेल्या या बैठकीत देशाच्या सद्यस्थितीचा आढावा घेण्यात आला, आणि याच वेळी रेल्वे कर्मचाऱ्यांसाठी एक अत्यंत आनंदाची बातमी समोर आली आहे.
केंद्र सरकारने दिवाळीपूर्वीच रेल्वे कर्मचाऱ्यांसाठी मोठा बोनस जाहीर केला आहे. या निर्णयामुळे जवळपास १०.९ लाख रेल्वे कर्मचाऱ्यांची दिवाळी खऱ्या अर्थाने गोड होणार आहे.
७८ दिवसांच्या वेतनाएवढा बोनस मंजूर
Railway Employees Bonus रेल्वे कर्मचाऱ्यांसाठी उत्पादकता-संबंधित बोनस (Productivity Linked Bonus) मंजूर करण्याच्या प्रस्तावाला मोदी सरकारने हिरवा कंदील दाखवला आहे. यानुसार, पात्र रेल्वे कर्मचाऱ्यांना तब्बल ७८ दिवसांच्या वेतनाएवढा बोनस मिळणार आहे.
या बोनससाठी एकूण १८६५.६८ कोटी रुपये वितरित करण्यास मंत्रिमंडळाने मंजुरी दिली आहे. सर्वात महत्त्वाची गोष्ट म्हणजे, या बोनसची रक्कम दिवाळीपूर्वीच रेल्वे कर्मचाऱ्यांच्या बँक खात्यात जमा केली जाणार आहे.
Railway Employees Bonus रेल्वे कर्मचाऱ्यांसाठी ही भेट म्हणजे त्यांच्या अथक परिश्रमाची पावतीच आहे. मागील वर्षीच्या तुलनेत यंदा कर्मचाऱ्यांची संख्या थोडी कमी असली तरी, सरकारकडून मिळालेल्या या आर्थिक मदतीमुळे सणासुदीच्या काळात त्यांना मोठा दिलासा मिळणार आहे.
मागील वर्षीचा बोनस:
- २०२९ कोटी रुपये मंजूर
- ११,७२, २४० कर्मचाऱ्यांना लाभ
रेल्वे मंत्रालयाने कर्मचाऱ्यांसाठी हा बोनस देऊन, सणासुदीच्या वातावरणात एक सकारात्मक ऊर्जा निर्माण केली आहे. या निर्णयामुळे रेल्वे कर्मचाऱ्यांमध्ये उत्साहाचे वातावरण आहे.